Bu döyüşdü - əzilən var, əzən var,
Ölüm hökmü qoltuğunda gəzən var;
Burda "bizik", nə "mən" vardır, nə "sən" var.
Yox, ağlama, ana millət, ağlama!
Qorxuram ki, sına millət, ağlama

Yolumu azıb gedəcəm,
Ölümü yazıb gedəcəm,
Qəbrimi qazıb gedəcəm,
Ana Vətən çağrışına.

Sözümü bitirirəm,
Vətən,vətən deyərək
Igid vətən övladı.
Mübariz olsun gərək.
Lazımsa bu vətənçün
Mən şəhid olmalıyam.
Həmişə fəxr etmişəm
Mən azərbaycanlıyam.

Bu yurdda yaşayıram,
bu yurdda da öləcəm.
Hər uğuru,zəfəri,
bu torpaqla böləcəm.

Sızlar fəryadımın ahı-amanı,
Dərdinə dar gələr haqqın dərgahı,
Bu məzlum kəslərin nədir günahı.
Tanri qarşısında pakdır əməlin,
Bir üzü qız bacım,bir üzü gəlin.

Səninləyəm, haqq-ədalət, səninləyəm,
Milli qürur, milli qeyrət, səninləyəm!
Səpil quma, göyər yerdə, bit qayada,
Gizli nifrət, açıq nifrət, səninləyəm,
Oyat bizi, ey yaradan, səninləyəm!
Ya bilmərrə yatırt bizi,
Ya bilmərrə oyat bizi,
Ya yenidən yarat bizi,
Ey yaradan, səninləyəm,
Səninləyəm, yatmış vulkan,
Səninləyəm!
Ayağa dur, Azərbaycan,
Səninləyəm!

Can qurban etmənin vaxtı çatıbsa,
Səndən hansı namərd əsirgəyər can?
Qoyuram başımı ayaqlarına,
Ey ana torpağım, ey Azərbaycan!

Əl vesə, əlindən əlim yapışmaz,
Yansaq bir ocaqda külüm yapışmaz,
Adını tutmağa dilim yapışmaz,
Düşmən qabağından qaçan “kişilər”.

Bir sual et burda yatan millətə
Əvvəl axır gələcəkmi qeyrətə?

Unutmaq olmaz,Koroğlu nərəsin,
Xətayinin qılınc vuran əliyəm.
Unutmaq olmaz,Babəkin nəfəsin,
Şanlı yurdun bulağıyam,seliyəm.

Gədiklər çox sevir qaçdı-qovdunu,
Ovladı, buraxmaz dağlar ovunu.
Məhərrəm göylərə açıb ovcunu,
Yaradan, dağlara qaytar sən məni.

Poladam vətənsiz yaşamaq heçdir..
Ey tanrım hər kəsə bu yolu seçdir..
Hər kəsə pərvərlik şərbətin içdir..
Yoxsa inçiyəçək küsəçək vətən!

Alıb Qarabağı dəyişib adın
Kəsdilər qartalın sanki qanadın
Eşidən olmadı ana fəryadın
Kəsildi o başlar töküldü qanlar
Döyüşdə şəhiddə düşdü cavanlar

Baharı yoxmu qışımın?
Bir sevdası var başımın,
“O” taydakı qardaşımın
Əllərini sıxa bilim.

Hələ baxışlarım duman kimidir,
Hələ gerçəklərim güman kimidir,
Araz sahilində doğma qardaşım
Küsülü kimidir, yaman kimidir.