Qaşı füsunkardır hilaldan,üzü lalələrdən,
Gəl ki,usanmır mənə çəkdirdiyi nalələrdən.

Vusalə,ey Xuda,yetir,cəfadan hifz qıl bizi,
Qəbul elə duamızı,bəladan hifz qıl bizi.

Nəsibim cövrü-cəfa,dərdü-məlaldır gecələr,
Ümidim vəslə fəna fikrü-xəyaldır gecələr.

Zəlil könlüm çəkər sinəmdə dərd,ağlar,
Yar hicranı onu şamü-səhər dağlar.

Çəkdirdi mənə sevgili-dildar,
Aləmdə nə kim,dərdü-qubar var.

Hali-pərişanə deməm,əsla,xoş əhval əhliyəm,
Dərk edirəm halətini,çünki özüm hal əhliyəm.

Günü-gündən dəyişir halü-vəziyyət Bakıda,
Çoxalır hər cürə xalq,hər cürə millət Bakıda.

Yenə gəlmiş yar, ürəyim viran etsin, getsin,
Bu onun adətidir, qəlbi qan etsin, getsin.

Ona zəng etməmişəm dün, o səbəbdən də gəlib,
Məni tutsun suala, imtahan etsin,getsin.

Hicran gecəsi gözlər görmür yuxu,vaxt getmir,
Əs,pəncərəmi titrət,ruzgar,oxu,vaxt getmir.

Dünya mənə qoy nurdan uzaq dörd divar olsun,
Yanımda təki qəlbimə hakim nigar olsun.